Te Haere ki Te Whanga-nui-ā-Tara

Tēnā anō tātau
Ko Matua Peri tēnei, kua roa nei au e whakangaro atu nei i au anō. Heoi anō kua hoki kaha mai nei ki te whakahōhā i a koutou. Nā reira, tēnei te mihi manahau ki a koe Tākuta Rōpata Hepi mō tā tātau haere ki Pōneke ki te kite atu i ngā āhuatanga o te National Trust me ngā rangatira o reira. Ki aku hoa haere anō hoki ki a Jaz Hiko, Matua Wally Hooper rātau ko Cushla. Kia ora rā!

Nō reira e te hoa, koirā taku wā tuatahi rāka te tirotiro haere i ngā āhua o tēnei whare me kī te National Trust. Ahakoa kua wareware i au ngā ingoa o ngā tāngata ka tūtakina atu, he haerenga e kore e warewaretia.

Kia tūtaki anō ai tāua ki te hui i Tāngoio ā te 13/09/08.

Matua Peri.

Te Taumāhekeheke o Te Kōhanga Reo o Waiohiki Marae e

I te 30 o Here-turi-kōkā, 2008 ka whakahere mātau Te Kōhanga Reo o Waiohiki Marae i tētahi taumāhekeheke nui o te kōhanga reo, rakā ko te mahi hākinakina i te kōhanga reo tonu. Ko ngā mahi ko te mahi paihikara, te mau hū nui, te whiu pōro, te peke ki rō pēke, me te peke whetū. Ka mutu tēnā, ka mahi tauoma tānga (relay race). Ko tēnei kaupapa hei whakamana i ā tātau mokopuna hei whakamana hoki i ō tātau toa i haere atu ai ki Hāina. Tau kē koutou!

I reira hoki ētahi o te whānau hei āwhina i a mātau i te wā o te hīkoi, te wā tuku i ngā mētara me te wā kai!

Nō reira, ki a au nei he kaupapa tino whakahirahira, he kaupapa hei whakamana anō i a tātau, rakā te whakawhanaungatanga, te whakakotahitanga, te mana tangata, te whakapakari tinana, tuakana - taina, aha atu, aha atu, aha atu.

Nō reira me kī rā, he mihi nui ki ngā mātua me ngā mokopuna i haramai nei ki te tautoko i te kaupapa o te kōhanga reo o Waiohiki marae. Ka heke te rae...

Matua Peri Belmont

AROHA MAI

Aroha mai whanau,

Kua nui warea ahau e te mahi, kua kore au e whai taima ki te uru ki runga i te blogspot nei, na te mea, kua hiki au i te ara.

Hei te po nei, ko te tumanako
Ka whakarau atu nga korero papai

Naku noa, na
Takuta Ropata